الخميس، 1 يوليو 2010

الحملة الشعبية لتوفير المياه

عايز كل واحد يقرا الموضوع ده يجيب ورقة و قلم و يكتب الحاجات اللي فيها و يحاول يعملها
الحملة دي الهدف بتاعها الحفاظ على المياه تتصوروا إن حسب اللي قريته على جروب الحملة على الفيس مصر هتدخل مرحلة الندرة النسبية للمياه بعد خمس سنين بس ؟؟
يعني غير كمان حكاية النيل و المشاكل عليه هندخل برضه في مرحلة الندرة النسبية كدة كدة ؟؟

النيل لو راح هيفضل لمصر إيه ؟؟ خيبتنا لمؤاخذة



إتخيل معايا تصحى الصبح تلاقي الميا مقطوعة بجد إحساس وحش جداً شوف بقى لما تبقى الميا بحساب و بتتقطع كتير هيبقى وضعك إيه ؟
متصور لو وصلنا للمرحلة دي الحكومة هتقدر توفرلنا ميا ؟ أو حتى هتحاول ؟؟
صدقني لازم إنتا تبدأ بنفسك
 ها كتبت الحاجات اللي في الصورة في ورقة ؟؟
يللا بقى قوم إعملها
*عندك قرايب مزارعين ؟؟
يا سلام لو عندك تروح تقعد معاهم و تحاول تعرفهم على مهندس زراعي و يحاول يرتب معاهم يخلوا الري بالتنقيط
*شوف كمان لو تقدر توفر إنتا و إخواتك و تجيب لوالدتك غسالة صحون في عيد الأم والله هتفرح بيك
*و مفيهاش حاجة لو جبت سباك و صلحلكم المحبس اللي بايظ من سنتين يعني و تركيب الجلدة سهل ممكن تتعلموا و تعمله لوحدك
*كمان إيه المانع تقول لوالدك يغسل عربيته بجردل و فوطة بدل ما يديها دش ؟؟
*ممكن تقول للبواب إن الميا اللي بيرشها بتعمل طين قدام العمارة لو مرضيش يتفهم الموضوع و لو بنت بهدليه لغاية ما يبطل رش ميا :)
*غسل الإيدين مش معناه تفتح الميا على الأخر
*و يا ريت إنتا و بتغسل أسنانك أو تحلق دقنك تستخدم كوباية مليانة ميا والله هتوفر ميا أكتر مما تتخيل
*الزرعة اللي تحت العمارة محتاجة ميا أينعم بس كدة هتموت غرقانة حرام عليك بجد
ده لينك الجروب على الفيسبوك
و
ده لينك مدونة جبهة التهييس الشعبية هتلاقوا الإخوة الأفاضل المدونيين المشتركين في الحملة أساميهم مكتوبة على اليمين من فوق
 - ميرسي يا نوارة ^_^ -
ممكن لو إنتا صاحب مدونة أو موقع تحطها برضه
الحملة الشعبية لتوفير المياه - أناإشتركت ^_^

هناك 5 تعليقات:

Unknown يقول...

لأن الناس في بلدي مهيسون، و لأن المسئولين في بلدي مطنشون، و بسبب من ارتفاع أسعار الزيتون ، لهذا و ذاك و تلكم كمان ، أظن و أوقن تماماً تمام ، بأن اللي جاي مش زي اللي راح ، و بكرة هاتكتر و تدمي جراح. و أما المياه ، هتفضل تسيل. و و لا حد سامع و لا يحزنون ، و لكن غداً راح يزعلون ، و مش راح يرغي معاهم صابون و هم يستحمون. و سلّملي سلّم على ترشيد استهلاك المياه

غير معرف يقول...

مدونة جميلة حقا والكتابة باسلوب رائع ..واتفضل شرفنى بزيارة مدونتى المتواضعة http://misralmostabal.blogspot.com/

غير معرف يقول...

ثقافة الهزيمة .. عصابة البقرة الضاحكة 6‏

و فى حوار مع القيادى الأخوانى إبراهيم صلاح المقيم فى سويسرا منذ عام 1957 و نشرته جريدة المصرى اليوم فى 23 إبريل 2011 جاء فيه وما صحة ما نشرته بعض المواقع من أخبار عن رفض سويسرا عرضاً مصرياً لشراء بنادق قناصة وقت الثورة؟ - حدث بالفعل وحكاها لى أحد رجال المخابرات السويسريين فى حضور عدد من الشخصيات العامة، وقال أنه بعد أندلاع الثورة بيومين تقدم السفير المصرى فى سويسرا مجدى شعراوى، وهو صديق مقرب من «مبارك»، بطلب للحكومة السويسرية لشراء عدة آلاف من بنادق القناصة سويسرية الصنع بها تليسكوب يقرب لمسافة 1000 - 1500 متر، وجهاز يحدد المنطقة المطلوب أصابتها، وجهاز رؤية ليلية ويتم التصويب بدقة الليزر، وذخيرة مخصوصة وهى لا تُحمل باليد، ولكن لابد من تثبيتها على قاعدة ويُقدر سعر البندقية الواحدة بنحو 4000 دولار، ولكن الحكومة السويسرية رفضت الطلب.

الحكومة السويسرية أدركت كيف سيتم أستخدام تلك البنادق، وبالتالى رفضت أن يكون لها أى دور فى تلك العملية.

و تحت عنوان " لواء شرطة : مبارك كان يتسلى بالشرائط الجنسية للفنانات" ...باقى المقال فى الرابط التالى

www.ouregypt.us

و المقال به معلومات هامة عن عمر سليمان.

ماتش كورة يقول...

ماتش كورة : مشكور على المجهود الرائع
http://www.matchkora.com/

Ahmed Ewida يقول...

طب هو ايه اللي هيسبب الندرة النسبية لمياه النيل ؟؟