الاثنين، 12 يوليو 2010

تامر بتاع البامبرز

مش عارف أنا ليه بحرق في دمي و مصر أخد موقف من اللي بيحبوا الكائن ده يعني عادي سيبهم يتعايشوا مع تامر و نفضلهم ... أبداً لازم أول ما أسمع خبر عن تامر ده أقول كلام أبيح و أحرق في دمي .. ما هو عايش و حلو الراجل و في مراهقين كتير و عيال سيس كتير و معاقين ذهنياً كتير بيحبوه مال أهلي أنا بالموضوع مش عارف
يعني مثلاً إنهاردة الصبح بقول يا فتاح يا عليم يا رزاق يا كريم اللهم عدي اليوم ده على خير و متختموش بلفافة و لا إنهيار عمارة و لا أي نيلة ألاقي في وشي مقال بيقول إن تامر بقى سفير الطفولة في العالم العربي و قال إيه هيروحوا وراه مارينا يسلموه الدرع
يختشي كميلة يعني لسة من يومين مفقناش من مقالته العظيمة المظفرة - واكلة زفر يعني - بتاعة الأهرام اللي بينصح الرجالة فيها ميسمعوش واحدة من أغانية مع مراتاتهم - علشان الأغنية بتقلع في النص على رأي نوارة نجم - أصحى انهاردة ألاقيه بقى سفير الطفولة - *** - لأ كدة مقدرش أستحمل
قال إيه وصله جواب رسمي من الأخوة بتاوع جامعة الدول غنه بقى سفير الطفولة العربية - عربية هامر :/ - و قال إيه مش هيروح هو يستلمها لأ خالص هبروحوا عهما وراه لغااااااااية مارينا - ده على أساس إن الأطفال اللي هو مهتم بيهم دول أطفال مارينا - و قال إيه مقرر يعمل أعمال كارتون إرشادية للأطفال - الزغنطتين - تامر القدوة تامر المثل الأعلى هيعمل لهم كارتون تعليمي - الله يرحمك يا ماما سامية -

ومن جهة أخري أسست رابطة محبي الفنان تامر حسني في جميع دول العالم حملة خيرية بعنوان «تامر حسني جمعنا في حب الخير» -  *** - بالحب إتجمعنا يمكن قصدهم ؟؟

و قال إيه عمل حملة للتبرع بالدم - عنده دم طلع - في جميع أنحاء العالم

المهم هنا هو عمل حملة تبرع بالدم فاشلة و هيمل شوية حلقات كرتون للأطفال - و ماله - ده بقى إهتمامه بالطفولة العربية المعذبة المشردة - *** - - أنا قلت كلام أبيح كتير في البوست ده - 

المشكلة هنا هو هيبقى ماما تامر مثلاً ؟؟ هيروح يغير بامبرز للأطفال - الزغنطتين - هيعمل إييه يعني للأطفال بتاع الأغاني اللي بتقلع في النص ده ؟ 

هناك تعليق واحد:

ola_barakat يقول...

جديده دي
تانر حسني سفير طفوله ؟
علي اساس ان اللي بيسمعوه اطفال ؟
ده منصب بيدفعوا له فلوس اكيد عشان يوصلوا له
طيب هو لما يبقي سفير اطفال يعني هايعمل ايه ؟
هايسيب الغنا ( يارب ) ويروح ينقذ الطفوله المشرده ؟
مش عارفه الخبر ده مزعج ليه كده ؟