الأربعاء، 7 يوليو 2010

اللهم خلي لنا جوجل و بارك لنا فيه

من فترة مش طويلة كنت كاتل إني بعشق جوجل راح واحد كتب كومنت بيقول ده موقع بحث غبي مش عايز أقولكم على اللي فكرت أقوله له لو حاولت تجمع أكبر مقدار أبحة عندك في كلمتين يبقى وصلت يا معلم لكن مقلتلوش حاجة حتى ميستاهلش أناقشة ما علينا المهم إنهاردة أنا جاي أقولكم أنا ليه بستخدم جوجل
أولاً كدة
جوجل محرك بحث عبقري بجد و الكلام ده هتبقى عارفه أحسن مني لو عندك موقع بيقدم أعلى دقة بحث و أعلى إمكانيات بحثية يعني مثلاً ممكن تبحث عن كلمة بعينها أو كلمات مشابهة أو كلمتين مع بعض أو جملة بنفس الترتيب أو مجموعة كلمات أو مجموعة كلمات بشرط الكلمة دي متظهرش أو أو أو إختيارات كتير بجد على فكرة ممكن لو عايز تعرف أكتر من هنا

ثانياً
جوجل ميل و ده بجد من أهم أسباب حبي لجوجل بجد جوجل ميل ده بريد إلكتروني عبقري أخف بكتير من الياهو أو الهوتميل وتطبيق الموبايل بتاعه سهل جداً في الإستخدام و من غير إعلانات زي ياهو و شات بيلت إن قبل ياهو بسنين الناس اللي بيقولوا حجمه صغير عندك سبعة جيجا يا عم بس إبقى خلصهم

ثالثاً
جوجل كروم
المتصفح الجميل السريع الخفيف الظريف اللي أنا عن نفسي بستخدمه من كتر من سنة و نص و بسببه إتخليت عن أوبرا و طبعاً مليان بالمميزات منها الإضافات اللي تضرب إضافات فايرفوكس بالجزمة - جرب بنفسك - و ان محرك بحث جوجل بيلت إن المتصفح نفسه مثلاً و طريقة فتح الصفحات السلسة جداً و حاجات جميلة جداً لو حكيتلك عنها مش هعرف أوصفها غير بعد التجربة

رابعاً
بلوجر
جوجل إشترت شركة بلوجر من ييجي 6 سنين و طبعاً إتغير كتير للأحسن و أديك شايف و أنا كمدوّن بأعشق جوجل

خامساً
يوتيوب
متتخضش كدة برضه جوجل إشترت يوتيوب من أربع سنين و أديك بتستخدمه يا بطل و زي الفل

سادساً
أخبار جوجل
تسيق روعة للأخبار من كل حتة و في نفس وقت صدورها و في مواقعها الرئيسية يعني بدل ما كنت بروح أقرا الأخبار في كل المواقع بتاعتها و أسبح في عالم من المرح دلوقتي جوجل نسقتلي الموضوع و بقى أسهل بكتير

سابعاً
جوجل تولبار : أا مشبستخدنه لأني بستخدم متصفح كروم بس اللي بيستخدموه بيقولوا هايل

ثامناً
جوجل ديسكتوب
مجموعة جامدة من الجادجتز بتنافس بقوة السايدبار بتاع ويندوز و صدقني بتهزمه

تاسعاً
جوجل رانك و أدوات مشرفي المواقع لو صاحب موقع هتفهمني لو مش صاحب موقع بقول لك بصفتي صاحب موقغع انا بحبجوجل بحب جوجل بحب جوجل

عاشراً
ترجمة جوجل و تشكيل جوجل
هما أينعم لسة بيتا و بيتأثروا جامد جداً بالمستخدم اللي ترجم الكلام بس بجد لو عايز ترجمة حرفية سريعة عليك و على جوجل

و في برضه تقويم جوجل و جوجل بيكازا و الباحث العلمي لجوجل و جوجل مستندات و مجموعات جوجل من الأخر أنا تعبت و إنتا ياللي بتقرا تعبت و برضه مجبناش أخر جوجل بجد بجد لو مش جوجل يبقى مين ؟؟؟؟

هناك تعليقان (2):

Unknown يقول...

و لكن الجوجل عز و جل ، يعتبر أمراً ستروسياً مقدساً. و بالتالي لا يعير أياً منا اهتماماً. فتباً لهذا، و تباً لذاك. هل جربت BING ? بصراحة أنا لم أختبره بدقة ، و لكن Microsoft ما بتهزرش ، اللهم الا في الXNA، عليه لعنة الله و الملائكة أجمعين. لكن ده خارج عن الموضوع. المهم أن Blogger و YouTube و غيرهما من مواقع الخِدْمات ،أو الخَدَمات فقط، تم شراؤهم لأسباب إحتكارية ، أو ربما احتقارية ، للمستخدم أقصد. أما عن عبقرية الموقع التي ذكرتها ، فأنا أرى أن جمال حمدان كان عنده حق حين قال : "سلملنا بقى عالترماي"*.


* معلومة غير صحيحة.

Unknown يقول...

أكيد جربت بينج و طبعاً مفيش مقارنة بينه و بين جوجل و أكيد ميكروسوفت بتهزر هزار سخيف كتير يعني مثلاً عندك الملايين اللي الناس إشتروا بيها فيستا و أنا منهم و بعدها ندمنا أجمعين و إشترينا سيفن برضه و أسباب إحتكارية إيه بس إذا كانت الخدمات في حد ذاتها مجانية