1
مش عارف اطير طيارتي
ولا عارف الون ايامي
ولا عارف ادندن بارادتي
ولا قادر اكمل احلامي
...
مش عايز اطير طيارتي
واحاول ليه انا من تاني
طول ما الدنيا اللوحة بتاعتي
والكون ده بالتة الواني
هفرح واغني و براحتي
وازعق و اصرخ من تاني
طول ما الدنيا اللوحة بتاعتي
راح احط ايديا في وداني
2
ما الكون ده بالتة الوان
الأسود فارض سيطرته
والأبيص مشغول بطهارته
والأزرق غرقان في همومه
والأحمر صايع من يومه
والأخضر غلبان مبيقدرش
والأصفر خايف مبينطقش
ليست هناك تعليقات:
إرسال تعليق