franco

في البداية أشكرك إنك جيت هنا أعتقد إنك في الغالب جيت من الصفحة دي
برضه بطلب منك تبقى تشوف مدونتي ممكن تعجبك :)
أو تعملها متابعة 
المهم إنتا عايز تتعلم الفرانكو
الموضوع أبسط ما يكون
رغم إني شوية متضايق من قلة الإهتمام بالموضوع لو كنت قريت نعم للفرانكو هتفهمني
المهم حسب الإستخدام الحالي للفرانكو : و (حسب الطريقة المصرية)
1- كل الحروف بتتكتب بتبديلها بالحرف اللاتيني اللي له نفس النطق 
(مثلا ب = b , ت = t , ك = k و هكذا ) و ممكن تكتفي بكدة و الناس هتفهم كلامك و زي الفل
إسم مدونتي : الولد اللي بيكتب على قده = el wld elly bikta ala ado

2 - ممكن لو عايز تكتب أدق شوية بنبدل الحروف اللي ملهاش مقابل في النطق اللاتيني بأرقام
(2 = ء , 3 = ع , 4 = غ , 5 = خ , 6 = ط , 7= ح , 9 = ق)
إسم مدونتي : الولد اللي بيكتب على قده = el wld elly biktb 3la 2do

*في ناس بتستخدم ( ' ) همزة 
إسم مدونتي  : الولد اللي بيكتب على قده = el wld elly biktb 3la 'do

* في الخليج ساعات بتستخدم 9 = ص 
مدونتي مفيهاش ص :(
صباح الخير = 9ba7 el 5ir

* زمان كان 3' = غ  , 7' = خ بس أغلب الناس بتستخدم ال 4 و 5 دلوقتي

* الإخوة المغاربة بيحاولوا يحطوا حروف كتير جداً علشان الدقة فلو كلمت حد مغربي و عايز تفهم الكلام اللي كاتبه ممكن تخفف نطق الحروف المتحركة لأبعد حد
يعني مدونتي ممكن تبقى
el walad elly beikteb 3ala 2ado

في حروف مش بتستخدم كتير أو مش بتستخدم تقريباً
يعني مثلاً
$ في ناس بتستخدمها ش
8 الكوايتة بيستخدموها إيت (q8 = كويت)