عندي إمتحان بكرة .. هو أخر إمتحان بس مرهق و عندي صداع .. الصداع سخيف بالنسبالي عالأقل ممل و سخيف .. عاوز أسمع أغنية والتز فور كووب بس مش عندي عالموبايل .. بفكر أحلق شعري .. بس أنا حلقت السكسوكة بالفعل أعتقد شكلي هيبقى ممل من غير الإتنين .. أنا بكره الملل يمكن أكتر من الصداع .. و بعدين هيبقى شكلي سخيف جداً و أنا ممل .. هو أنا ليه مش بتصورالصور الفلسفية البضينة اللي باصة للعدم مع فانلة حمالات و سيجارة .. أنا مش عاوز أبطل السجاير .. أنا عندي صداع .. كان عندي إمبارح و أول إإمبارح و من فترة طويلة يمكن لأبعد فترة أتصورها .. أنا نمت إمبارح .. كان بقالي 5 أيام منمتش .. بس حلمت حلم سخيف .. بنتين حلوين داسهم المترو .. أنا بحب المترو بالمناسبة .. بيجيلي صداع من باقي وسايل المواصلات .. أنا عاوز أشتري عربية بس أنا مش بحب العربيات .. الفولكس بيتلز جميلة .. بس مش معايا فلوسها دلوقتي .. بس كانت هتنفعني جداً إنهاردة في مشوار مدينة نصر .. بس كان هيجيلي صداع أكتر .. فاهم قصدي أنا بالفعل عندي صداع سخيف و ممل بس كان ممكن يبقى أكتر .. صوتها هي كمان بيجيبلي صداع .. هي حلوة جداً بس مش ستايلي و معتقدش إن أنا كمان الإستايل بتاعها .. كيب أوبن ميندد .. أي دو أكتر منك بمراحل .. يمكن هي أطيب من إنها تتبلي بوغد مثلي .. ما بالك كمان لو عنده صداع .. محتاج قهوة .. بس معتقدس إن عندك بن غامق .. في وسط أه بس أنا مبحبهوش .. عندي إمتحان بكرة و محتاج بن .. أنا كنت بقول إيه ؟ .. أه أنا عندي صداع ممل و سخيف كالعادة .. السجاير قربت تخلص و محتاج أرول شوية .... بس مكسل .. أنا بحب سايز ون ف البنات بس أنا مش بيكي للدرجة دي .. بس هي مناسبة جداً كمان .. بس صوتها بيزود صداعي .. أنا محتاج أنام دلوقتي بس أنا عارف كوابيسي بتتكرر أكتر من مرة و أنا مش حابب أربط فكرة المترو بكابوس .. لإني بحب المترو إنتا عارف .. بس عندي إمتحان بكرة و مينفعش منمش .. و الصداع بيخلي الحياة أوحش بمراحل خصوصاً في النقطة دي .. بكره الناس الستريوتيبس .. حتى لو كان ستريو تيب كويس .. مبحبش أتوقع تصرفاتك .. متكونش ممل ارجوك .. بليز دونت بي لونج .. جورج هاريسون مات بالسرطان علشان كان بيدخن بشراهة .. أنا عاوز أسمع الأغنية دي .. بس مش فاكر إسمها .. عندي صداع مش قادر أركز .. شرايح الهستولولجي .. أه يا دماغي الميكروسكوب بيجيبلي صداع .. .. التكييف برد جداً بس أنا لابس كوفية ..بس محمد السيد مش لابس و هو بردان .. مبحبش حد من أصجابي يبقى متضايق .. بس الكوفية مش هتبقى لايقة عليه .. مبحبش الألوان لما تبقى مش مظبوطة .. يمكن علشان برسم .. بس أنا بقالي كتير مرسمتش .. محتاج أشتغل بس مكسل أدور على شغل .. بس محتاج فلوس .. و أنا بكتب كنت عاوز التدوينة تبقى قصيرة .. بس مش قادر أختزلها .. ليت إت بي .. الله يرحمك يا جون لينون .. هو مكنش بيصدق فيك بس هو كان إنسان جميل .. من القليلين اللي صوتهم مش بيجيبلي صداع .. قصيدة قديمة ليا .. مش فاكر منها غير أنا مروح .. غريبة إنك تنسى قصايدك .. الأغرب إني فاكر قصايد أصحابي .. يمكن أنا برسم أحسن من ما بكتب .. بس متهيألي العكس .. يمكن أنا الوحيد اللي مصدق كدة بس كفاية جداً .. أنا عاوز أكتب ......
هناك 9 تعليقات:
حل كل المشاكل وإختصارًا لكل الكلمات دي، تدخل تنام !
صدّقني دي أحسن حاجة ! :D
وسط كل ده نسيت تقولى عملت ايه فى الامتحان
وياترى الشريح جت سههل ولا صعبه
انت كنت بتحسبها طيب ليه سيبتها
او بتقول مش تنفعك تبقى اهبل
هتقولى صداع هقولك ياسلام دلوقت افتكرت الصداع
ما يمكن عشان فكرتف صوتها وانت عندك صداع حاسس من هنا ان جالك الصداع بس انت بتحبها ومتسمك بيها
المشكله بقى انك تكون دماغك ملاينه وبتفكر وصداع مع سلايدز هستو دى غلسه
فمابالك البارا والباثو
دول بيقولوا غلسيين جدا
هى الكليه غلسه ولا الامتحان غلس ولا انت دماغك ملاينه مش ركزت
مشكلتك انك اخدت بالك من كوفيه صحابك فى البرد
طيب اخد بالك من الوان كوفيتك
اعتقدك الاخضر هيبىق حلو
اوووه نستي انت اصلا بتحب الاخضر توى افتكرت
ممكن السماوى برضه انا بحبه بس مش بحبه فى الهدوم الاغمص اخلى وبيقال بيستحمل التراب وكده
بص بما انك هتتبهدل الاغمض احسن مش تشاؤم بس هى كده
بس انا مش شوفت ليك روسمات
كنت بحب ارسم زمان ع فكره دلوقت لاء
يمكن الكليه قتلت فينا كل شئ جميل
وكل شئ بنحبه
يمكن
بس مش كده يبىق ظلمتها ليه مش تقول اننا اللى اصلا نسينا ومش عايزين نرسم او مكسلين
اسكت امتحنت شفوى ياريتنى ما امتحنت اقدر اقول اووووووووه ماى جد واصوت
مش وحش للدرجه بالعكس
بس
بس حاسس انت لما تكون تنسيد شويه
اعصابك مشدوده
ياااااااااه افتكر كام موقف اعصابك كانت مشدوده فيهم وقتها اكيد كان نفسك فى حل سريع بالنسبه ليا اصرع حل
قرص زولام عشان اهدى وافك وافرفش وانااااااااااااااااااااااااااااااااااااااااااااااااااااااااااام
اعتذر عملت ليك صداع لول
تحياتى| انت تعرف من؟؟؟؟؟؟؟؟
رائع جدا ومقال مميز بالتوفيق ...
موضوع جميل جدا
شكرا لك
مقال ممتاز وموضوع هام شكرا لك...
مدونة رائعة وفكرة جميلة شكرالك ...
المدونة ممتازة ورائعة شكرا لك وبالتوفيق ...
ده أكتر واحد عجبني
بالتوفيق
وظائف خاليه
إرسال تعليق