أنا كتبت 100 تدوينة في سنتين تقريباً بمعدل تدوينة في الأسبوع
الناس كتبوا 155 تعليق تقريباً بمعدل تعليق و نص تقريباً على كل تدوينة
في مقابل عدد رسايل النصح و الهداية/التكفير اللي وصلتلي أكتر من 300 بحاجة بسيطة
رغم إني مش شايف إني كتبت حاجة تستاهل أيهما النصح قصدي او التكفير
مخيب جداً للأمل إن أكتر 5 مواضيع الناس شافتهم أنا عن نفسي مش راضي عنهم
مخيب جداً للأمل برضه إن أكتر مواضيع أنا حبيتها يمكن محدش شافها أساساً
يمكن أنا مبعرفش أعلن عن نفسي و لا أدوش الناس و لا أرمي اللينكات على وولاتها - مليش في الشحاتة تقريباً - و رغم كدة برضه المدونة بيجيلها زوار و الشكر لجوجل طبعاً
سنتين بكتب تقريباً و رغم كدة مش شايف إني أحسن مش شايف إن الدنيا أجمل مش شايف إني ناجح أو فاشل أو أي معالم للطريق اللي أخدته
نفسي السنتين يرجعوا تاني لورا و برضه معتقدش إني هتصرف بشكل مختلف
هناك 7 تعليقات:
أولاً : مبروك على الوصول للندوينة 100.
ثانياً: ميهمكش الحاجات التانية، يعني بُص، أحياناً الواحد بيدون لأجل التدوين فقط لا غير....
:)
كل سنه ومدونتك بخير :)
مبرووك يا محمد ..وان شاء الله ف بقدم
مبروك على التدوينة 100 وعقبال التدوينة مليون بالتوفيق ...
مبروك وعقبال المليون وبالتوفيق ...
مبروك وعقبال الملايين من المدونات ...
مبروك لك وبالتوفيق ...
إرسال تعليق